وٹس ایپ کے ڈیسک ٹاپ ورژن میں آواز اور ویڈیو کے فیچر متعارف

sample-ad

سوشل میڈیا کی مشہور ویب سائٹ فیس بُک نے وٹس ایپ کے ڈیسک ٹاپ ورژن میں آواز اور ویڈیو کے فیچر متعارف کرادیے ہیں۔

کمپنی کے مطابق اب صارفین ڈیسک ٹاپ سکرینوں کو پورٹریٹ اور لینڈاسکیپ دونوں طریقوں سے محفوظ کالز کے لیے استعمال کرسکیں گے۔

بڑی سکرینوں پران نئے فیچر کو متعارف کرانے کے بعد وٹس ایپ بھی ویڈیو کانفرنس کی خدمات مہیا کرنے والی بڑی کمپنیوں زوم اور گوگل میٹ کے ہم پلہ آجائے گی لیکن ابھی یہ واضح نہیں کہ آیا فیس بُک ان دونوں کمپنیوں کے ساتھ ٹیلی مواصلات کی دنیا میں کوئی مسابقت بھی چاہتی ہے۔

اس وقت وٹس ایپ کو دنیا بھر میں لوگوں کی ایک بڑی تعداد استعمال کررہی ہے۔وٹس ایپ نے نئے سال کے آغاز پر ایک ارب 40 کروڑ صوتی اور ویڈیو کالیں ریکارڈ کی تھیں۔

sample-ad